Urdu Shayari

Abhi kuch der k baad ek suraj duub jayega,
Dil tanha teri yadon mein aisa kho sa jayega,
na jane kya sitaron ka talasum zindagi hoga,
k unko dekh kar phir dard mera jaag jayega,
yaqeen na tha k halki si khata par is tarah hoga,
koi bedard yunh humse rooth jayega,
mujhe shab ke charag aakhri ka hai intezar itna,
woh mere dard ki saari hadon se laut jayega,
woh bhi tou muztarib hoga,
mujhe umeed hai itni,na hoga tou mohabbat ka bharam hi toot jayega,
na jao aaj ki shab aye mere dushman mohabbat ke,
wagarna is dua ka har asar bekaar jayega.

Kabhi khud b mere paas aa,
meri baat sun mera saath de,
jo khalish hai dil se nikaal kar mujhe uljhano se nijaat de,
tujhe sochna mera mashgala tujhe dekhna meri aarzu,
mujhe din de apnay khayal ke,
mujhe apnay qurb ki raat de,
main akeli bhatkoon kahan kahan,
yeh safar bohat taveel hai,
meri zindagi mere saath chal mere haathon mein apna haath de.

baandh len haath pe,seenay pe saja len tumko,ji mein aata hai ke taweez bana len tumko,phir tumhen roz sanwaren tumhen barhta dekhen,kiun na angan mein chanbeli sa laga len tumko,kya ajab khwahishen uthti hain hamare dil mein,karke munna sa hawaon mein ucha len tumko,kabhi khwabon ki tarah aankh ke parede mein raho,kabhi khwahish ki tarah dil mein bula len tumko,is qadar toot ke tumpe humen pyar ata hai,apni banhon mein bharen maar hi daalen tumko.

Aao ik aisi rah ikhtiyar kartay hain,tum humse,hum tumse pyar kartay hain,simat jayen ek doosray ki banhon mein,kiun judai mein dilon ko beqarar kartay hain, raat bhar pehlu mein rakh ke sar ko,teri nawazishon ko shumaar kartay hain, mer mitay gen ek doosray ke naam par, ek aisay vaday ka iqrar kartay hain, rasm e mohabbat ko nibhanay ke liyay saari raat tera intezar kartay hain,haathon mein hamesha tera haath ho, dil mein paida khwahish baar baar kartay hain.

Mohabbat ke safar mein koi rasta nahi deta,
Zameen waqif nahi banti,falak saya nahi deta,
Udasi jis ke dil mein ho,ussi ki neend urti hai,
kisi ko apni aankhon se koi sapna nahi deta,
uthana khud hi parta hai thaka toota badan humko,
ke jab tak saans chalti hai koi kandha nahi deta.

Maine poocha itnay gham kahan se aye hain,usne taqdeer ka naam likh bheja,
maine poocha kab hogi mulaqat usne qayamat ki shaam likh bheja,
maine poocha itna tarpatay kiun ho usne inteqaam likh bheja,
maine poocha tumhen kis se nafrat hai,usne mera naam likh bheja.

Meri aankhen rakhlo mujhe kuch khwaab de do,
jis mein tumhari jhalak ho aisi sharaab de do,
chalo choro saari baaten ek baat mani,
sari umar le lo bas ek shaam de do.

Har woh lamha jo tujhse juda hota hai,chalti saanson k liyay ek saza hota hai,kaisay samjhaun jahan walon ko adab e wafa,duniya rakhoon tou mera ishq qaza hota hai.

Koi aisa pyar ka bazar hota,jis mein neelaam woh sar e aam hota, main usse khareedta khud ko baich kar, aur phir dekhta kaisay woh kisi aur ke naam hota.

Ajeeb shakhs tha kaisa mizaaj rakhta tha
saath reh kar b ikhtilaf rakhta tha
main kiun na daad doon uske fun ki
mere har sawal ka pehle hi jawab rakhta tha
woh roshnion ka basi tha
magar andher nagri ka bara hi khayal rakhta tha
mohabbat tou thi usse kisi aur se shayad
humse tou tunhi hansi mazaq karta tha

Technorati Tags: Poems

Vote Result

Score: 0.0, Votes: 0